الوووو . . حمــــد :

(14)

حمد .. لازال يلازمني كظلي منذ تلك اللحظة التي دغدغت بها حروف اسمه مسامعي لأول مرة حين اطلقها ذلك الصوت الشجي تصغيرا لأسمي (يمه حمد) عشقتها ولازلت اعشقها لأنها اخر ما تبقى لي من ذكراها وهي كل ارثي .. وفي اخر اتصال لـ حمد بـ امه

الوووو ......... الوووو ... يمه يمه تسمعيني انا ابنچ حمد من ديار الغربه احاچيچ

_ حمد . . حمد . . . أوووف ياريحه هلي وكل طوايفي من فدوه اروح لهل الصوت أي يمه اسمعك من فدوه اروح لرسمك يا گرة العين يبني الساعه بفراگك سنه يمه شلون انطاك گلبك وخليتني چني مثل المجانين

يمه ابنچ يا يمه صار اسبوع ما غمضتله عين وعنت عليه تريدچ الروح .. يمه شلونچ وشلون ابوي لوت ظهره المصايب لو بعد حيد واگف بنص الدواووين واخوي احمد بعده عطال بطال لو حصل شغل

_ حمد يبني يمرني الليل و اتحسر على النوم شيغمض العين وانته بعيد شيغمض العين يا يمه وطال الغياب وانه اعيوني ازرعتهه بعتبة الباب .. ابوك يبني جبل ماتهزه الريح ويتلاوه وي المصايب ملاوه الذيب بعده هيبه وبعده عمود البيت وبعدهه المضايف تتنومس بمحاچيه وبعده زهوة الدواووين .. واخوك حمووودي علگ الشهادة عل الحايط وهسه يشتغل بالطين بس من شاف الوطن محتاجه عاف الشغل وراح يجاهد بالحشد ويه اخوته المجاهدين

يمه احچيلي بس كون العراق بخير وما دنسو اتربه هذوله الارهابين .. احچيلي عن البصره وعن بغداد وعن الرمادي وعن كل اهلنه الطيبين .. يمه تدرين شگد انا مشتاگ للعراق بگد رحمة رب العالمين

_حمد يبني العراق بخير وعمر الشمس ماتغطيهه الغرابيل الجبل يبني ما ينحني للوديان والچلاب التنبح ما تخوف اچلاب ليل بس يطلع عليهه الفجر تلوذ بالكتران

يمه ياهو ارتاح بغربته و صفه باله وياهو الما بچه وعينه هماله ويا هو الما صور اهله اگباله تتراواله .. هلي.. وهذا الغريب الحزن يايمه مواله

_يمه ما غبت عني كل لحظه الهج باسمك و تبچيني الدموع بدون ما ادري اعاين صورتك و ابچي واسلم عليك واحس العبره يمه مكسره بصدري اگللب ذكرياتك و الصور كل يوم واشم ريحة قميصك واحبس بقهري و اعاين لصدگانك يمه من يمشون ما ضل صبر يمه وخلصت صبري تعال... وك تعال... انه اريد اشوفك گبل ما اموت كلشي ابد ما اريد بس شوفة اعيونك تسوه كل عمري

يمه وينچ .. يمه وينچ ... ابشرچ باچر نرد للبيت خل تگر عينچ .. الله انت شكد حلو يا بيتنه زغار وكبرنا بخيمتك لميتنه .. ياكعدة امي والدي وخواني يابيت اهلنه الما يعوضك ثاني شكرا الك ما قصرت ربيتنه